ఈ రోజు శ్రీ జగన్నాథ రథయాత్ర. జగన్నాథుని ధ్యానించుకోడానికి అనువైన శ్రీ జగన్నాథ పంచకము
-:: జగన్నాథ పంచకమ్ ::-
రక్తాంభోరుహదర్పభంజన మహాసౌందర్యనేత్రద్వయం
ముక్తాహారవిలంబి హేమముకుటం రత్నోజ్జ్వలత్కుండలమ్ ।
వర్షామేఘసమాననీలవపుషం గ్రైవేయహారాన్వితం
పార్శ్వే చక్రధరం ప్రసన్నవదనం నీలాద్రినాథం భజే ॥ 1॥
ఫుల్లేందీవరలోచనం నవఘనశ్యామాభిరామాకృతిం
విశ్వేశం కమలావిలాసవిలసత్పాదారవిందద్వయమ్ ।
దైత్యారిం సకలేందుమండితముఖం చక్రాబ్జహస్తద్వయం
వందే శ్రీపురుషోత్తమం ప్రతిదినం లక్ష్మీనివాసాలయమ్ ॥ 2॥
ఉద్యన్నీరదనీలసుందరతనుం పూర్ణేందుబింబాననం
రాజీవోత్పలపత్రనేత్రయుగలం కారుణ్యవారాంనిధిమ్ ।
భక్తానాం సకలార్తినాశనకరం చింతార్థిచింతామణిం
వందే శ్రీపురుషోత్తమం ప్రతిదినం నీలాద్రిచూడామణిమ్ ॥ 3॥
నీలాద్రౌ శంఖమధ్యే శతదలకమలే రత్నసింహాసనస్థం
సర్వాలంకారయుక్తం నవఘన రుచిరం సంయుతం చాగ్రజేన ।
భద్రాయా వామభాగే రథచరణయుతం బ్రహ్మరుద్రేంద్రవంద్యం
వేదానాం సారమీశం సుజనపరివృతం బ్రహ్మదారుం స్మరామి ॥ 4॥
దోర్భ్యాం శోభితలాంగలం సముసలం కాదంబరీచంచలం
రత్నాఢ్యం వరకుండలం భుజబలైరాకాన్తభూమండలమ్ ।
వజ్రాభామల చారుగండయుగలం నాగేంద్రచూడోజ్జ్వలం
సంగ్రామే చపలం శశాంకధవళం శ్రీకామపాలం భజే ॥ 5॥
