శ్రీ రాజరాజేశ్వర్యాష్టకం
అంబాశాంభవి చంద్రమౌళి రబలా పర్ణా ఉమాపార్వతీ
కాళీ హైమావతీ శివా త్రిణయనీ కాత్యాయనీ భైరవీ |
సావిత్రీ నవయౌవనా శుభకరీ సామ్రాజ్యలక్ష్మీప్రదా
చిద్రూపీ పరదేవతా భగవతీ శ్రీ రాజరాజేశ్వరీ || 1
అంబా మోహిని దేవతా త్రిభువనీ ఆనంద సంధాయినీ
వాణీ పల్లవపాణీ వేణు మురళీ గాన ప్రియాలోలినీ |
కల్యాణీ ఉడురాజబింబ వదనా ధూమ్రాక్ష సంహారిణీ
చిద్రూపీ పరదేవతా భగవతీ శ్రీ రాజరాజేశ్వరీ || 2
అంబానూపుర రత్న కంకణధరీ కేయూర హారావళీ
జాతీ చంపక వైజయంతి లహరీ గ్రైవేయ వైరాజితా |
వీణా వేణువినోద మండితకరా వీరాననే సంస్థితా
చిద్రూపీ పరదేవతా భగవతీ శ్రీ రాజరాజేశ్వరీ || 3
అంబా రౌద్రిణి భద్రకాళి బగళా జ్యలాముఖీ వైష్ణవీ
బ్రహ్మాణీ త్రిపురాంతకీ సురనుతా దేదీప్యమా నోజ్జ్వలా |
చాముండాశ్రిత రక్తపోష జననీ దాక్షాయణీ వల్లవీ
చిద్రూపీ పరదేవతా భగవతీ శ్రీ రాజరాజేశ్వరీ || 4
అంబా శూలధనుః కుశాంకుశధరీ అర్ధేందుబింబాధరీ
వారాహీ మధు కైటభ ప్రశమనీ వాణీ రమా సేవితా |
మల్లాద్యాసుర మూక దైత్య దమనీ మహేశ్వరీ అంబికా
చిద్రూపీ పరదేవతా భగవతీ శ్రీ రాజరాజేశ్వరీ || 5
అంబా సృష్టి వినాశ పాలనకరీ ఆర్యా విసంశోభితా
గాయత్రీ ప్రణవాక్ష రామృత పర2హ్ పూర్ణానుసంధీకృతా |
ఓంకారీ వినుతా సురార్చితపదా ఉద్దండ దైత్యాపహా
చిద్రూపీ పరదేవతా భగవతీ శ్రీ రాజరాజేశ్వరీ || 6
అంబా శాశ్వత ఆగమాది వినుతా ఆర్యా మహాదేవతా
యా బ్రహ్మాది పిపీలికాంత జననీ యావై జగన్మోహినీ |
యా పంచ ప్రణవాది రేఫ జననీ యా చిత్కళా మాలినీ
చిద్రూపీ పరదేవతా భగవతీ శ్రీ రాజరాజేశ్వరీ || 7
అంబా పాలిత భక్తరాజి అంబాష్టకం యః పఠే
దంబా లోకకటాక్ష విక్ష లలితా ఐశ్వర్య మవ్యాహతా |
అంబా పావన మంత్రరాజ పఠనాద్దంతీశ మొక్షప్రదా
చిద్రూపీ పరదేవతా భగవతీ శ్రీ రాజరాజేశ్వరీ || 8
ఇతి శ్రీ రాజరాజేశ్వర్యష్టకం.
Note: HTML is not translated!